កម្ពុជាស្នើឲ្យអូស្រ្តាលី ជួយផ្នែកកំណែទម្រង់ការបោះឆ្នោត
2014-02-24 00:00:00 5479 Viewsបន្ទាប់ពីជប៉ុនឥឡូវនេះដល់វេនអូស្ត្រាលីម្តងដែលកម្ពុជាបានស្នើសុំឲ្យជួយផ្នែកកំណែទម្រង់ការបោះឆ្នោត។ លោកនាយករដ្ឋមន្ត្រីហ៊ុនសែនបានលើកសំណើនេះនៅក្នុងជំនួបជាមួយរដ្ឋមន្ត្រីការបរទេសអូស្ត្រាលីនៅព្រឹកថ្ងៃសៅរ៍នេះនៅឯវិមានសន្តិភាព។ នេះបើយោងតាមលោក អ៊ាង សុផល្លែតជំនួយការរបស់លោកនាយករដ្ឋមន្ត្រីដែលបានថ្លែងប្រាប់អ្នកកាសែតនៅក្រោយជំនួបនោះ។ ប្រមុខការទូតអូស្ត្រាលីរូបនេះបានទទួលយកសំណើរបស់កម្ពុជា។
ជាសំណើតបវិញផងដែរនោះ រដ្ឋមន្ត្រីការបរទេសអូស្ត្រាលីក៏បានស្នើឲ្យកម្ពុជាទទួលយកជនភៀសខ្លួនស្របច្បាប់ពីប្រទេសអូស្ត្រាលីមកតាំងទីលំនៅក្នុងប្រទេសកម្ពុជា។ទីក្រុងភ្នំពេញក៏បានទទួលយកសំណើនេះហើយប្រគល់ភារកិច្ចឲ្យក្រសួងមហាផ្ទៃដើម្បីពិភាក្សានិងដំណើការនីតិវិធី។
រដ្ឋមន្ត្រីការបរទេសអូស្ត្រាលី លោកស្រី Julie Bishop បានធ្វើដំណើរទស្សនកិច្ចរយៈពេលពីរថ្ងៃនៅកម្ពុជាចាប់ពីថ្ងៃទី២១ ដល់២២កុម្ភៈ។ ក្នុងអំឡុងពេលនេះលោកស្រីគ្រោងជួបពិភាក្សាការងារជាមួយលោកនាយករដ្ឋមន្ត្រី ហ៊ុន សែនលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃនិងលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេសកម្ពុជា។
(ដកស្រង់ពីគេហទំព័រវិទ្យុបារាំងអន្តរជាតិ ជាខេមរៈភាសារ ដែលបានចេញផ្សាយកាលពីថ្ងៃទី២២ កុម្ភះ ឆ្នាំ២១៤)
លោក ហោ ណាំហុង រដ្ឋមន្ត្រីការបរទេសកម្ពុជា និងលោកស្រី ជូលី ប៊ីស្សប (Julie Bishop) រដ្ឋមន្ត្រីការបរទេសអូស្ត្រាលី ក្នុងសន្និសីទសារព័ត៌មានរួម ថ្ងៃទី២២ ខែកុម្ភៈ ឆ្នាំ២០១៤។ © Shiv Channa
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|