សម្លេងម្ចាស់ឆ្នោត​កម្ពុជា

ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង កាលពីថ្ងៃសៅរ៍ បាននិយាយថា នៅសប្តាហ៍ក្រោយ លោកនឹងស្វែងរកការចាប់ខ្លួនឧត្តមសេនីយ៍ទោម្នាក់ពាក់ព័ន្ធនឹង រឿងពុករលួយ ប៉ុន្តែ​លោក​មិនបាន​ប្រាប់​ព័ត៌​មាន​លម្អិត​របស់​ជនសង្ស័យនេះទេ។

លោកបានប្រាប់និស្សិតក្នុងអំឡុងបឋកថា ស្តីពីច្បាប់ប្រឆាំងអំពើពុករលួយថា៖ «ឥឡូវនេះខ្ញុំសូមជម្រាបអ្នក (និស្សិតនៅសាកលវិទ្យាល័យឯកជនមួយនៅរាជធានីភ្នំពេញ)ថា យើងមានដីកាចាប់ខ្លួនចំនួនពីរ ហើយនៅ​សប្តាហ៍​ក្រោយ​នឹង​មាន​ដីកាចាប់ខ្លួនឧត្តមសេនីយ៍ទោម្នាក់ដែល បានគេចខ្លួនហើយ (ជននោះ) យើងនឹងដាក់ក្នុងគេហទំព័រនៅសប្តាហ៍ក្រោយ»។

លោក ឱម យ៉ិនទៀង ប្រធានអង្គភាពប្រឆាំងអំពើពុករលួយមិនអាចទាក់ទងដើម្បីធ្វើ អត្ថាធិប្បាយបានទេ កាលពីម្សិលមិញ ហើយអនុប្រធានរបស់លោក គឺលោក នួន បុផល និយាយថា លោកមិនបានដឹងពីបញ្ហានេះទេ។

ប្រភពពីគេហទំព័រភ្នំពេញប៉ុស្តិ៍ចេញផ្សាយថ្ងៃទី១៦ មិថុនា ឆ្នាំ២០១៤នេះ។