អាជ្ញាធរខេត្តសៀមរាប ចាប់ខ្លួនសកម្មជនរបស់គណបក្សសង្គ្រោះជាតិ២រូប ក្រោមបទញ៉ុះញង់
2015-07-07 11:30:00 4832 Viewsសកម្មជនរបស់គណបក្សសង្គ្រោះជាតិ២រូប ត្រូវបានអាជ្ញាធរខេត្តសៀមរាប ចាប់ខ្លួន ដោយចោទថាធ្វើការញុះញង់ឱ្យមានជម្លោះរវាងប្រជាពលរដ្ឋ២ក្រុម នៅកំពង់ភ្លុក កាលព្រឹកថ្ងៃទី០៦ ខែកក្កដា។ សកម្មជនទាំងពីរនោះមានឈ្មោះ ហុង ណាក់ និងឈុន សៀក រស់នៅឃុំមានជ័យស្រុកប្រាសាទបាគងខេត្តសៀមរាប។
តាមការឲ្យដឹងពី តំណាងគណបក្សសង្គ្រោះជាតិមណ្ឌលសៀមរាបបានឲ្យដឹងថាការចាប់ខ្លួននេះពាក់ព័ន្ធទៅនឹងការបង្កើតសមាគម ដោយសារតែលោកនាយករដ្ឋមន្ត្រីបានលុបកិច្ចសន្យាទូកនៅតំបន់កំពង់ភ្លុក ចោល ហើយផ្ដល់ឲ្យប្រជាពលរដ្ឋនៅតំបន់នោះ អាចប្រកបអាជីវកម្មបានដោយសេរី ដោយមិនចាំបាច់ឆ្លងកាត់ក្រុមហ៊ុនឯកជននោះទេ។ តំណាងរាស្ត្ររូបនេះបន្ថែមថា ក្រោយពីការលុបកិច្ចសន្យា ប្រជាពលរដ្ឋនៅតំបន់នោះមានបំណងចង់បង្កើតសមាគមដោយពុំមានចំនុះ អ្នកណាទេ ប៉ុន្តែដោយសារមានការលូកដៃពីក្រុមម្ខាងៗ ទើបធ្វើឲ្យមានទំនាស់រវាងប្រជាពលរដ្ឋជាម្ចាស់ទូក។ កន្លងមកក៏តែងតែមានការចោទប្រកាន់លើ សកម្មជនគណបក្សសង្គ្រោះជាតិទាំងនោះផងដែរ។
សូមបញ្ជាក់ផងដែរថា កាលពីថ្ងៃទី ២៧ មិថុនា យ៉ាងហោចណាស់ប្រជាសហគមន៍កាណូតទេសចរណ៍កំពង់ភ្លុក ៤ នាក់បានរងរបួស បន្ទាប់ពីមានប្រជាពលរដ្ឋមួយក្រុមមកតវ៉ាប្រឆាំងហើយ បានក្លាយជាអំពើហិង្សាខណៈប្រជាសហគមន៍កាណូតទេសចរណ៍កំពុងរៀបចំ បោះឆ្នោតជ្រើសរើសប្រធានសហគមន៍កាណូត៕
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|