សម្លេងម្ចាស់ឆ្នោត​កម្ពុជា

ប្រធានគណៈកម្មការទី៥ នៃរដ្ឋសភា និងជាអ្នក​នាំ​ពាក្យ​រដ្ឋ​សភា លោក ឈាង វុន  បានឲ្យដឹង ថារដ្ឋសភា នឹង​ប្រជុំ​នា​ព្រឹក​ថ្ងៃ​១៣​ កក្កដាខាងមុខនេះ គឺ​បន្ទាប់​ពី​រគណៈកម្មាធិការ​អចិន្ត្រៃយ៍​រដ្ឋសភា បើក​កិច្ចប្រជុំ នៅ​ព្រឹក​ថ្ងៃ​ទី​១០​កក្កដា។

អ្នក​នាំ​ពាក្យ​រដ្ឋ​សភា រូបនេះបានអះអាងថា សេចក្តីព្រាងច្បាប់នេះ លោក​បានស្នើ​រដ្ឋាភិបាល ឲ្យលុបចោល​ចំនុច​មួយចំនួន នៅ​មាត្រា​ ៥ នៃ​សេចក្តី​ព្រាងច្បាប់​សមាគម និង​អង្គការ​មិនមែន​រដ្ឋាភិបាល ដែលមាន ៩ ជំពូក និង ៣៩មាត្រា​។ លោក ឈាង វុន បន្តថា ការកំណត់​ក្នុង​មាត្រា ៥ បានធ្វើ​ឲ្យ​ប៉ះពាល់​សិទ្ធិ​កុមារ​។ លោក ឈាន វុន បានបន្ថែមថា អង្គការក្រៅរដ្ឋាភិបាលមួយចំនួនបានធ្វើការហួសពីលក្ខន្តិកៈរបស់ខ្លួនដែលបានតម្កល់ទុកនៅស្ថាប័នរបស់រដ្ឋ។ ដោយហេតុនេះ ទើបរដ្ឋាភិបាលបង្កើតច្បាប់នេះឡើងក្នុងគោល បំណងធានាការពារ សិទ្ធិសេរីភាពនៃការបង្កើតសមាគម និងអង្គការក្រៅរដ្ឋាភិបាល ដើម្បីការពារ ផលប្រយោជន៍ស្របច្បាប់។