លោក វ៉ា គឹមហុង មិនបានធ្វើសន្និសិទការសែត បន្ទាប់ពីបញ្ជាប់កិច្ចប្រជុំបិទទ្វារជាមួយភាគីវៀតណាម
2015-07-10 10:05:00 4902 Viewsប្រធានគណៈកម្មាធិការកិច្ចការព្រំដែន លោក វ៉ា គឹមហុង បានចេញសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំរបស់ខ្លួននៅទីស្តីការគណៈរដ្ឋមន្ត្រី ដើម្បីដោះស្រាយបញ្ហាបោះបង្គោលព្រំដែនគោក រយៈពេល៣ថ្ងៃចាប់ពីថ្ងៃទី០៧ដល់ថ្ងៃទី ០៩ខែកក្កដា។ តាមរយៈសេចក្តីប្រកាសព័ត៌មាន គណៈកម្មការចម្រុះ នៅល្ងាចថ្ងៃទី៩ ខែកក្កដា អះអាងថា កិច្ចប្រជុំបានឈរលើមូលដ្ឋាន និងស្មារតីគោរពគ្នាទៅវិញទៅមក ហើយពួកគេទទួលបានលទ្ធផលបីចំណុចសំខាន់ៗ ។
ចំណុចទីមួយ ភាគីទាំងពីរទទួលស្គាល់ថា ការងារខណ្ឌសីមា និងបោះបង្គោលព្រំដែនគោករវាងប្រទេសទាំងពីរមានភាពស្មុគស្មាញច្រើន បើទោះបីការបោះបង្គោលបានចំនួន៨៣ភាគរយក៏ដោយ។
ចំណុចទីពីរ ភាគីទាំងពីរឯកភាពអនុវត្តតាមសេចក្តីប្រកាសព័ត៌មានរួមកាលពីថ្ងៃទី១៧ ខែមករា ឆ្នាំ១៩៩៥ ស្តីពីការរក្សាស្ថានភាពបច្ចុប្បន្ននៅតាមបណ្តោយព្រំដែនក៏ដូចជាអាជ្ញាធរនៅតាមបណ្តាខេត្តជាប់ព្រំដែននៃប្រទេសទាំងពីរសហការគ្នាដោះស្រាយឲ្យមានប្រសិទ្ធភាពរាល់បាតុភាពដែលកើតមានឡើងនៅតាមបណ្តោយព្រំដែន ដើម្បីទប់ស្កាត់និងបញ្ចៀសការរីករាលដាលដែលនាំឲ្យប៉ះពាល់ដល់ទំនាក់ទំនងល្អរវាងប្រទេសទាំងពីរ»។
និងចំណុចទីបី ភាគីទាំងពីរឯកភាពឲ្យក្រុមបច្ចេកទេសចម្រុះព្រំដែន និងអាជ្ញាធរពាក់ព័ន្ធនៅតាមបណ្តាខេត្តជាប់ព្រំដែន សហការគ្នាដោះស្រាយរាល់បាតុភាពនៅតាមបណ្តោយព្រំដែនដើម្បីទប់ស្កាត់ និងបញ្ជៀសការរាលដាលដែលនាំឲ្យប៉ះពាល់ទំនាក់ទំនងប្រទេសទាំងពីរ៕
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|