លោកមាជ សុវណ្ណរ៉ា និងសកម្មជនទាំង១១នាក់ ត្រូវបានតុលាការសាលាដំបូង មិនអនុញ្ញាតិឲ្យចេញទៅក្រៅប្រទេសឡើយ
2015-07-21 10:07:00 4844 Viewsមន្ត្រីគណបក្សសង្គ្រោះជាតិ លោកមាជ សុវណ្ណរ៉ា ជាតិ ព្រមទាំងសកម្មជនទាំង១១នាក់ផ្សេងទៀត ត្រូវបានតុលាការសាលាដំបូង រាជធានីភ្នំពេញ សម្រេចដាក់ឲ្យស្ថិតក្រោមការតាមដានរបស់តុលាការ និងមិនអនុញ្ញាតិឲ្យចេញទៅក្រៅប្រទេសឡើយ។ សាលាដំបូងរាជធានីភ្នំពេញប្រកាសបើកសវនាការជំនុំជម្រះ នាថ្ងៃច័ន្ទ ម្សិលមិញនេះ និងតម្រូវឲ្យជនជាប់ចោទជាសកម្មជនគណបក្សសង្គ្រោះជាតិទាំង១១នាក់ ពាក់ព័ន្ធអំពើហិង្សានៅក្បែរទីលានប្រជាធិបតេយ្យ កាលពីខែ កក្តដា ឆ្នាំ២០១៤ ត្រូវបង្ហាញខ្លួននៅក្នុងសវនាការរៀងរាល់ថ្ងៃ រហូតដល់ការកាត់ក្ដីលើសំណុំរឿងនេះត្រូវបានបញ្ចប់។ លោក មាជ សុវណ្ណារ៉ា បានឲ្យដឹងថា លោកនឹងគោរពការសម្រេចរបស់តុលាការ ដោយលោកថា លោកនឹងមិនចាកចេញទៅក្រៅប្រទេសដើម្បីព្យាបាលនោះទេ។ លោកមានប្រសាសន៍ថា៖ “ខ្ញុំអត់ចេញទេបើ[តុលាការ]អត់ឲ្យចេញក្រៅប្រទេស ខ្ញុំក៏អត់ចេញដែរទោះបីខ្ញុំឈឺដល់ងាប់ ក៏ខ្ញុំសុខចិត្តងាប់ដើម្បីប្រជាពលរដ្ឋដើម្បីជាតិខ្ញុំ” ។
គួរបញ្ជាក់បន្ថែមថា លោកមាជ សុវណ្ណរ៉ា រួមទាំងសកម្មជនគាំទ្រ គណបក្សសង្គ្រោះជាតិ ចំនួន១១នាក់ ដែលជាប់ចោទ ប្រើអំពើហឹង្សា មកលើសន្តិសុខខណ្ឌដូនពេញ ដែលជាភាគីដើមបណ្តឹង ត្រូវបានតុលាការចេញដីកាកោះ ឲ្យចូលខ្លួន នៅសាលាដំបូងរាជធានីភ្នំពេញ នៅថ្ងៃទី២០ ខែកក្កដានេះ ដើម្បីឆ្លើយបំភ្លឺ ក្នុងសំណុំរឿងដឹកនាំកុបកម្ម និងចូលរួមនៅក្នុងចលនាកុបកម្ម ដើម្បីរំដោះទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤៕
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|