Cambodian Voter's Voice

សកម្មជនគណបក្សអំណាចខ្មែរបីនាក់ ត្រូវបានលើកលែងទោស

2015-09-21 11:38:00 4846 Views

ព្រះរាជក្រឹត្យរបស់ព្រះមហាក្សត្រ ដែលចុះហត្ថលេខាដោយ ប្រមុខរដ្ឋស្តីទីលោក សាយ ឈុំ កាលពីថ្ងៃទី១៥កញ្ញាឆ្នាំ២០១៥ នៅត្រង់មាត្រា១បានចែងថា ត្រូវបានលើកលែងទោសឲ្យទណ្ឌិតចំនួន៣រូប ក្នុងនោះរួមមាន ទី១,ឈ្មោះ សេរី ប៊ុនឡុង ភេទប្រុស អាយុ២៩ឆ្នាំ, ទី២ឈ្មោះ សេង សុម៉េង ហៅដែន ភេទប្រុស អាយុ៣១ឆ្នាំ និងទី៣, ឈ្មោះ អ៊ុំ ភិរុណ ភេទប្រុសអាយុ២៧ឆ្នាំ។ ព្រះរាជក្រឹត្យនេះ បានធ្វើឡើង បន្ទាប់ពីមានសំណើររបស់លោកនាយករដ្ឋមន្ត្រី ហ៊ុន សែន និងទើបតែត្រូវបានបញ្ជូនទៅដល់ក្រសួងយុត្តិធម៌ កាលពីថ្ងៃទី១៧កញ្ញា។
លោក ទេព វីរៈ អ្នកនាំពាក្យគណបក្សអំណាចខ្មែររបស់លោក សួន សេរីរដ្ឋា បានថ្លែងថា សកម្មជនទាំងបីរូប ត្រូវបានដោះលែងឲ្យមានសេរីភាពឡើងវិញ កាលពីរសៀលថ្ងៃទី១៨កញ្ញា នឹងបានជួបជុំគ្រួសាររបស់ពួកគេឡើងវិញ។