Cambodian Voter's Voice

គ.ជ.ប គ្រោងជួបក្រសួងមហាផ្ទៃដើម្បីពិភាក្សាលើបញ្ហាចុះឈ្មោះបោះឆ្នោត

2015-11-03 10:53:00 4917 Views

មន្ត្រីជាន់ខ្ពស់គណៈកម្មាធិការជាតិរៀបចំការបោះឆ្នោត (គ.ជ.ប) កំពុងពិភាក្សាលើសំណើសុំជួបផ្លូវការរវាងក្រុមបច្ចេកទេសរបស់ខ្លួន និងអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ ដើម្បីជជែកគ្នាលើបញ្ហាចុះឈ្មោះបោះឆ្នោត។របៀបវារៈដែល គ.ជ.ប គ្រោងនឹងលើកឡើង គឺការជំរុញឲ្យអគ្គនាយកដ្ឋានអត្តសញ្ញាណកម្ម ពន្លឿនការធ្វើអត្តសញ្ញាណប័ណ្ណដល់ពលរដ្ឋ និងគិតគូរអំពីដំណោះស្រាយផ្សេងទៀត បើសិនជាអគ្គនាយកដ្ឋានមួយនេះមិនអាចផ្តល់អត្តសញ្ញាណប័ណ្ណជូនអ្នកគ្រប់អាយុបោះឆ្នោតបានទាន់ពេលវេលា។លោក ហង្ស ពុទ្ធា មន្ត្រី គ.ជ.ប លើកឡើងកាលពីរសៀលថ្ងៃទី២ វិច្ឆិកា ថា ដំណើរការធ្វើអត្តសញ្ញាណប័ណ្ណជូនប្រជាពលរដ្ឋនាពេលបច្ចុប្បន្ន នឹងមិនអាចធ្វើជូនប្រជាពលរដ្ឋបានគ្រប់គ្នា សម្រាប់ការចុះឈ្មោះបោះឆ្នោតនៅពេលខាងមុខនោះទេ។ចំណុចសំខាន់ដែល គ.ជ.ប ចង់ពិភាក្សាជាមួយអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ គឺការពន្លឿនធ្វើអត្តសញ្ញាណប័ណ្ណដល់ពលរដ្ឋខ្មែរ ដើម្បីឲ្យពួកគេអាចទៅចុះឈ្មោះបោះឆ្នោតក្រុមប្រឹក្សាឃុំ-សង្កាត់បានទាន់ពេលវេលា។