សម្លេងម្ចាស់ឆ្នោត​កម្ពុជា

ឆ្លើយតបទៅនឹងការរិះគន់ពាក់ព័ន្ធការប្រើប្រាស់ថវិកាជំនួយសម្រាប់អភិវឌ្ឍនៅកម្ពុជា លោក ហ៊ុន សែន នាយករដ្ឋមន្រ្តី នៃកម្ពុជា នៅថ្ងៃទី០៥នេះ បានស្នើឲ្យរដ្ឋាភិបាលជប៉ុន ក៏ដូចជាឯកអគ្គរាជទូតជប៉ុន ប្រចាំនៅកម្ពុជា អញ្ជើញបក្សប្រឆាំង ពន្យល់ពីនីតិវិធីក្នុងការប្រើប្រាស់ថវិកាជំនួយ ដែលជប៉ុន បានផ្តល់មកកម្ពុជា។

ការលើកឡើងនេះក្នុងពិធីសម្ពោធគម្រោងការពារទឹកជំនន់ និងកែលំអប្រព័ន្ធលូក្នុងរាជធានីភ្នំពេញ ដំណាក់កាលទី៣ នាព្រឹកថ្ងៃទី០៥ ខែវិច្ឆិកា ឆ្នាំ២០១៥នេះ លោក ហ៊ុន សែន បានបញ្ជាក់ថា រាល់ជំនួយរបស់ជប៉ុន រាជរដ្ឋាភិបាលកម្ពុជា បានត្រឹមកាត់ខ្សែបូរណ៍សម្ពោធតែប៉ុណ្ណោះ ដោយឡែកការចាយវាយថវិកាវិញ គឺគ្រប់គ្រងដោយជប៉ុន។លោក បានបញ្ជាក់យ៉ាងដូច្នេះថា «រដ្ឋាភិបាល ក៏ដូចជាឯកអគ្គរាជទូតជប៉ុន ហៅមេបក្សប្រឆាំង មកបាយម្តង ហើយពន្យល់ឲ្យច្បាស់ពីការប្រើប្រាស់ថវិកានេះ»។