សម្លេងម្ចាស់ឆ្នោត​កម្ពុជា

លោក សម រង្ស៊ី បានចេញមកការពារ ភាពស្អាតស្អំរបស់ខ្លួន ហើយអះអាងថា រូបលោកមិនជាប់ ពាក់ព័ន្ធទង្វើរបស់ឪពុក ដែលត្រូវអតីតព្រះមហាក្សត្រអះអាងថា ជា «ជនក្បត់ជាតិ» នោះឡើយ។លោក ហ៊ុន សែន នាយករដ្ឋមន្រ្តី នៃកម្ពុជា កាលពីម្សិលមិញនេះ បានទម្លាយកម្រងសៀវភៅមួយក្បាល ដែលជាព្រះរាជនិពន្ធរបស់ព្រះបរមរនកោដ្ឋ សម្តេច នរោត្តម សីហនុ ដែលព្រះអង្គលាតត្រដាងថា លោក សម សារី ឪពុករបស់លោក សម រង្ស៊ី ជា «ជនក្បត់ជាតិ» នៅក្នុងសម័យសង្គមរាស្រ្តនិយម។លោក ហ៊ុន សែន ក្នុងសេចក្តីថ្លែងការណ៍តាម Facebook កាលពីម្សិលមិញនេះ បានចាត់ទុកលោក សម រង្ស៊ី ជាស្លឹកឈើជ្រុះមិនឆ្ងាយពីគល់ ពោលចិត្តគំនិតរបស់លោក មិនខុសពីឪពុក មិនខុស ក៏ដោយសារលោក សម រង្ស៊ី នៅតែព្យាយាមបំផ្លិចបំផ្លាញសន្តិសុខ ស្ថេរភាព នៅក្នុងប្រទេសជាតិ។