Cambodian Voter's Voice

លោកនាយករដ្ឋមន្ត្រីព្រមានអ្នកប្រើហ្វេសប៊ុកឲ្យប្រយ័ត្នប្រយែងក្នុងការរិះគន់

2015-12-29 14:25:00 4723 Views

ប្រមុខរាជរដ្ឋាភិបាលកម្ពុជាកាលពីថ្ងៃម្សិលមិញបានព្រមានដល់អ្នក ប្រើប្រាស់បណ្តាញសង្គមហ្វេសប៊ុកដែលមាននិន្នាការប្រឆាំងឲ្យ ប្រយ័ត្នប្រយែងក្នុងការរិះគន់ខុសប្រធានបទនៅក្នុងហ្វេសប៊ុករបស់ លោកព្រោះលោកអាចកំណត់អត្តសញ្ញាណអ្នកនោះបានដោយប្រើពេលមិនលើសពី ៧ ម៉ោងទេតែលោកមិនយកទោសពៃរ៍លើអ្នករិះគន់ទាំងនោះឡើយ។នៅក្នុងពិធីចែកសញ្ញាបត្រដល់និស្សិតនៅមជ្ឈមណ្ឌលកោះពេជ្រលោក នាយករដ្ឋមន្ត្រី ហ៊ុន សែន បញ្ជាក់ថាលោកពុំមែនជា «នាយករដ្ឋមន្ត្រីហ្វេសប៊ុកទេ» ហើយការលេងហ្វេសប៊ុករបស់លោកគឺដើម្បីដឹងព័ត៌មានពិតគ្រប់ជ្រុង ជ្រោយពីគ្រប់ភាគីទាំងអស់ទាំងមន្ត្រីរាជការ ប្រជាពលរដ្ឋ និងអ្នកប្រឆាំង។ ប៉ុន្តែលោកប្រាប់ទៅអ្នកលេងហ្វេសប៊ុកដែលមាននិន្នាការប្រឆាំងកុំ ឲ្យជេរប្រមាថ និងរិះគន់ខុសប្រធានបទដែលលោកបានចែករំលែក។