Cambodian Voter's Voice

លោក ហ៊ុន ម៉ានី ៖ ឪពុករបស់លោកមិនមែនជាអ្នកកំណត់រូបលោកជានាយករដ្ឋមន្រ្តីនោះទេ

2016-01-21 09:35:00 4874 Views

តំណាងរាស្រ្ត ខេត្តកំពង់ស្ពឺនិងជាកូនប្រុសរបស់នាយករដ្ឋមន្រ្តី លោក ហ៊ុន ម៉ានី បានថ្លែងថាឪពុករបស់លោកមិនមែនជាអ្នកកំណត់រូបលោកឲ្យក្លាយជា នាយករដ្ឋមន្រ្តីកម្ពុជានោះទេ។លោកបានលើកឡើងបែបនេះជាការឆ្លើយតបទៅ នឹងសំណួរអ្នកសារព័ត៌មានដែលសួររូបលោកពីបំណងប្រាថ្នាក្លាយជា នាយករដ្ឋមន្រ្តីនិងការរៀបចំរបស់ឪពុករបស់លោកឲ្យក្លាយជា នាយករដ្ឋមន្រ្តី។ កាលពីថ្ងៃពុធ លោក ហ៊ុន ម៉ានី បានចូលរួមធ្វើជាវាគ្មិនក្នុងកម្មវិធីមួយស្តីពីអនាគតទំនាក់ទំនង រវាងកម្ពុជានិងអាមេរិក ដែលធ្វើឡើងនៅសាកលវិទ្យាល័យJohns Hopkinsក្នុងទីក្រុងវ៉ាស៊ីនតោន សហរដ្ឋអាមេរិក។ឆ្លើយតបនឹងសំណួរចំពោះការ រៀបចំរូបលោកឲ្យក្លាយជានាយករដ្ឋមន្រ្តី លោក ហ៊ុន ម៉ានី ដែលទទួលបានការអប់រំនៅសហរដ្ឋអាមេរិកនិងអូស្ត្រាលី បានឆ្លើយថា៖ “វាមិនអាស្រ័យលើយើងទេ។

វាមិនអាស្រ័យលើឪពុករបស់ខ្ញុំទេ។ វាអាស្រ័យលើប្រជាជនកម្ពុជា”។