Cambodian Voter's Voice

លោក ឱម យ៉ិនទៀង ប្រកាសគ្រោងកំចាត់ករណីពុករលួយជាប្រព័ន្ធនៅក្នុងស្ថាប័នរដ្ឋមួយនៅឆ្នាំ២០១៥

2015-01-27 16:20:00 4716 Views

ប្រធានអង្គភាពប្រឆាំងអំពើពុករលួយ(ACU) លោក ឱម យ៉ិនទៀង ប្រកាសត្រៀមចាត់វិធានការលើស្ថាប័នរដ្ឋមួយ ដែលលោកអះអាងថាមានអំពើពុករលួយជាលក្ខណៈប្រព័ន្ធធ្ងន់ធ្ងរ បង្កឲ្យមានផលប៉ះពាល់យ៉ាងខ្លាំងដល់សង្គមជាតិ ។ លោកបានថ្លែងដូចនេះនៅក្នុងវគ្គបណ្តុះបណ្តាលមួយស្តីពី តួនាទីរបស់អ្នកសារព័ត៌មានក្នុងការចូលរួមចំណែកលើកស្ទួយអភិបាលកិច្ចល្អ និងប្រឆាំងអំពើពុករលួយ កាលពីព្រឹកថ្ងៃចន្ទ ទី២៦ ខែមករា ឆ្នាំ២០១៥ ។

លោក ឱម យ៉ិនទៀង បានមានប្រសាសន៍ថា «ករណីទីមួយនៃឆ្នាំ២០១៥យើងខ្ញុំនេះ អាចជាករណីអំពើពុករលួយមួយដែលមានបណ្ដាញ ហើយធ្វើឲ្យមានការបំផ្លាញដល់វិស័យមួយរបស់ជាតិយើងបាន ហើយយើងកំពុងដំណើរការលើបញ្ហានេះ» ។ លោក ឱម យ៉ិនទៀង បញ្ជាក់ទៀតថា បញ្ហានេះមានលក្ខណៈតានតឹងខ្លាំង ហើយជាករណីថ្មីមួយ ខុសប្លែកពីករណីក្នុងឆ្នាំមុនៗដែលជាករណីតូចៗលក្ខណៈឯកជន ។ ទោះជាយ៉ាងណា លោក ឱម យ៉ិនទៀង មិនបានបង្ហើបប្រាប់ថាស្ថាប័នរដ្ឋមួយនោះ ជាស្ថាប័នណានោះទេ ដោយលោករក្សាសិទ្ធិសុំពេលធ្វើការបន្តិចទៀតសិន។

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២