Cambodian Voter's Voice

ACU ពិគ្រោះយោបល់អំពីការរៀបចំសេចក្ដីព្រាងច្បាប់ការពារសាក្សីនិងអ្នករាយការណ៍

2016-06-30 10:40:00 4714 Views

អង្គភាពប្រឆាំងអំពើពុករលួយ (ACU) រៀបចំសិក្ខាសាលាពិគ្រោះយោបល់ស្ដីពីការរៀបចំសេចក្ដីព្រាងច្បាប់ការពារសាក្សី និងបុគ្គលរាយការណ៍ រយៈពេលពីរថ្ងៃ ចាប់ពីថ្ងៃទី២៩ ដល់ថ្ងៃទី៣០ ខែមិថុនា ដោយមានការចូលរួមពីបណ្ដាក្រុមអ្នកច្បាប់ អង្គការសង្គមស៊ីវិល និងភាគីពាក់ព័ន្ធជាច្រើនទៀត។សិក្ខាសាលានេះមានគោលបំណងប្រមូលធាតុចូលពីគ្រប់ភាគីពាក់ព័ន្ធសម្រាប់រៀបចំសេចក្ដីព្រាងបឋមនៃច្បាប់ទាំងពីរនេះ ហើយផ្ដល់នូវចំណេះដឹងពាក់ព័ន្ធនឹងច្បាប់ការពារសាក្សី និងបុគ្គលរាយការណ៍ដល់អ្នកចូលរួមពីសំណាក់ក្រុមការងារ និងអ្នកជំនាញផងដែរ។ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង បានលើកឡើងថា សាក្សីជាតួអង្គយ៉ាងសំខាន់ បើគ្មានសាក្សីមិនអាចឲ្យតុលាការរកយុត្តិធម៌បាននោះទេ។ លោកបន្ថែមថា ច្បាប់ការពារសាក្សីនេះ នឹងចូលរួមចំណែកលើកកម្ពស់ប្រសិទ្ធភាព យុត្តិធម៌ និងការបង្ក្រាបបទល្មើសតាមរយៈការបង្កើត និងពង្រឹងយន្តការធានា និងការពារសុវត្ថិភាពផ្ទាល់ខ្លួនរបស់សាក្សី និងបុគ្គលរាយការណ៍។ប្រភពRFA

http://www.rfa.org/khmer/news/law/acu-discuss-on-draft-law-to-protect-witnesses-06292016070119.html

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២