នៅសាលសន្និសីទ គ.ជ.ប នៅព្រឹកថ្ងៃព្រហស្បតិ៍ ទី០៩ ខែកក្កដា ឆ្នាំ២០១៥ នេះ គណៈកម្មការចំពោះកិច្ច និងគណៈកម្មការបច្ចេកទេសកិច្ចការបោះឆ្នោត នៃ គ.ជ.ប ដឹកនាំដោយឯកឧត្តម គួយ ប៊ុនរឿន អនុប្រធាន គ.ជ.ប និងជាប្រធានគណៈកម្មការចំពោះកិច្ច បានជួបពិភាក្សាជាមួយក្រុមបេសកកម្មមកពីជប៉ុន ស្តីពីអនុសាសន៍នៃសេចក្តីព្រាងបទបញ្ជា និងនីតិវិធីសម្រាប់ការចុះឈ្មោះបោះឆ្នោតនៅឆ្នាំ២០១៦។