កាលពីថ្ងៃពុធ ម្សិលមិញនេះ លោកនាយករដ្ឋមន្ត្រី ហ៊ុន សែន បានធ្វើឲ្យមានការភ្ញាក់ផ្អើល ដោយលោក ហ៊ុន សែន បង្ហាញខ្លួនក្នុងវិហារឥស្លាមមួយកន្លែងក្នុងរាជធានីភ្នំពេញ បានចូលរួមពិធីអាហារស្រាយបួសជាមួយសាសនិកឥស្លាមនៅទីនោះដោយស្ងាត់ៗគឺមិនបានរៀបចំពិធីធំដុំដូចមុនៗទេដែលការណ៍នេះធ្វើឲ្យសាសនិកឥស្លាម សិស្សនិស្សិតនៅទីនោះមានការភ្ញាក់ផ្អើលជាខ្លាំងនឹងវត្តមានរបស់លោកនាយករដ្ឋមន្ត្រី ។
វត្តមានរបស់លោក ហ៊ុន សែន ពុំមានការហែហមពីមន្ត្រីធំៗ ឫមានអ្នកយាមនោះទេគេឃើញមានតែអភិបាលរាជធានីភ្នំពេញ លោក ប៉ា សុជាតិវង្ស អភិបាលខណ្ឌដូនពេញ លោក គួច ចំរើន ដែលអមដំណើរលោកនាយករដ្ឋមន្ត្រីតែប៉ុណ្ណោះ។
នេះជាលើកទី២ហើយ ដែលលោក ហ៊ុន សែន បានចូលរួមក្នុងពិធីអាហារស្រាយបួសក្នុងបុណ្យខែរ៉ាម៉ាឌនជាមួយ សាសនិកឥស្លាមនៅឆ្នាំនេះ។