លោក ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាឲ្យកម្លាំងនគរបាលជាតិតាមចាប់ខ្លួនលោក សុខ ប៊ុន ដែល វាយដំលើកញ្ញាសាសា មកផ្តន្ទាទោសឱ្យបាន ទោះជាជនល្មើសរូបនេះ រត់ទៅដល់ទីណាក៏ដោយ ដែលគេសង្ស័យថាកំពុងលាក់ខ្លួននៅក្នុងប្រទេសសិង្ហបុរី ។ ការថ្លែងយ៉ាងនេះរបស់លោក ស ខេង គឺនៅក្នុងសិក្ខាសាលាស្តីពីបញ្ហា បច្ចុប្បន្នភាពកិច្ចការព្រំដែននៅក្រសួងមហាផ្ទៃនៅព្រឹកថ្ងៃអង្គារ៏ នេះ ហើយលោក ក៏បានធ្វើការព្រមានឲ្យមន្ត្រីដែលចង់រត់ការក្នុងសំណុំរឿងប្តឹងផ្តល់លោក សុខ ប៊ុន ត្រូវដកខ្លួនជាបន្ទាន់ផងដែរ។