ក្នុងកិច្ចប្រជុំផ្សព្វផ្សាយអំពីបច្ចុប្បន្នភាពការងារកំណត់បង្គោល ខណ្ឌសីមា និងបោះបង្គោលព្រំដែនរវាងប្រទេសកម្ពុជានិងវៀតណាម កាលពីថ្ងៃទី១៤ ខែកក្កដាលោក ស ខេង រដ្ឋមន្ត្រីក្រសួងមហាផ្ទៃ បានប្រាប់ឲ្យអាជ្ញាធរថ្នាក់ក្រោមជាតិចាត់វិធានហាមឃាត់ជាបន្ទាន់ ចំពោះការជួលឬលក់ដីឲ្យបរទេស នៅតាមខ្សែបន្ទាត់ព្រំដែនទូទាំងប្រទេសកម្ពុជាដើម្បីបញ្ចៀសបញ្ហាព្រំដែននានា និងជៀសវាងបទល្មើសនិងជម្លោះពេលអនាគត។
លោក ស ខេង បានបញ្ជាក់ដូច្នេះថា៖«បញ្ហាជួលលក់ដីតាមបណ្តោយព្រំដែននេះយូរទៅ អាចក្លាយជាបញ្ហា បូរណ៌ភាពដែនដី ដោយភាគីម្ខាងទៀតអាចអះអាងថា នេះជាដីរបស់គេកាន់កាប់យូរណាស់ មកហើយ»។