នៅព្រឹកថ្ងៃទី១៦ កក្តដា ក្នុងពិធីចែកសញ្ញាប័ត្រជូននិស្សិតពុទ្ធិក សាកលវិទ្យាល័យសីហនុរាជ នៅវិទ្យាស្ថានជាតិអប់រំ លោកនាយករដ្ឋមន្រ្តី ហ៊ុន សែន បានអះអាងថា រដ្ឋាភិបាលកម្ពុជានឹងបើកជាចំហ ចំពោះគណបក្សទាំងអស់និងអ្នកជំនាញផ្សេងៗ ចូលរួមពិនិត្យមើលផែនទីដែលអង្គការសហប្រជាជាតិនិងប្រទេសមហាអំណាចនឹង ផ្តល់ឲ្យកម្ពុជានៅពេលខាងមុខ ប្រសិនបើរដ្ឋាភិបាលរបស់លោកទទួលបានផែនទីពីប្រទេសទាំងនោះ ពិនិត្យផ្ទៀងផ្ទាត់ទាំងអស់គ្នាជាមួយនិង ផែនទីរដ្ឋាភិបាលបច្ចុប្បន្ន។
កាលពីថ្ងៃពុធ ម្សិលមិញនេះ លោកនាយករដ្ឋមន្រ្តី ហ៊ុន សែន បានសរសេរលិខិតមួយទៅថ្នាក់ដឹកនាំប្រទេសមហាអំណាចចំនួន៣ គឺបារាំង អង់គ្លេស និងសហរដ្ឋអាមេរិក ដោយស្នើសុំខ្ចីផែនទី និងសុំជំនួយជាអ្នកជំនាញខាងផែនទី ដើម្បីជួយកម្ពុជាក្នុងការផ្ទៀងផ្ទាត់ផែនទីដែលរដ្ឋាភិបាលកំពុងតែ ប្រើប្រាស់។