លោក អ៊ុំ សំអាន តំណាងរាស្រ្តគណបក្សសង្គ្រោះជាតិ បានសសេរលើបណ្តាញសង្គមរបស់លោកនៅថ្ងៃពុធ ទី ១៥កក្តដាថា លោកស្វាគមន៏យ៉ាងពេញទំហឹង ចំពោះចំណាត់ការរបស់លោកនាយករដ្ឋមន្ត្រី ហ៊ុន សែន ដែលបានស្នើខ្ចីផែនទី និងស្នើកិច្ចសហការ ជាជំនួយ។ ប៉ុន្តែ លោក អ៊ុំ សំអាន បានបន្ថែមថា ចំណាត់ការនេះនៅមិនទាន់គ្រប់គ្រាន់ទេ រដ្ឋាភិបាលត្រូវតែប្តឹងវៀតណាមយកដីខ្មែរទៅតុលាការយុត្តិធម៌អន្តរជាតិ ICJ។
សូមបញ្ជាក់កាលពីថ្ងៃពុធ ម្សិលមិញ លោកនាយករដ្ឋមន្រ្តី ហ៊ុន សែន បានសរសេរលិខិតមួយទៅថ្នាក់ដឹកនាំប្រទេសមហាអំណាចចំនួន៣ គឺបារាំង អង់គ្លេស និងសហរដ្ឋអាមេរិក ដោយស្នើសុំខ្ចីផែនទី និងសុំជំនួយជាអ្នកជំនាញខាងផែនទី ដើម្បីជួយកម្ពុជាក្នុងការផ្ទៀងផ្ទាត់ផែនទីដែលរដ្ឋាភិបាលកំពុងតែ ប្រើប្រាស់។