នាព្រឹកថ្ងៃទី១៩ ខែកក្កដាម្សិលមិញនេះ ប្រធានសហជីពសេរីកម្មករកម្ពុជាលោក ជា មុន្នី បានប្រកាសលាឈប់ពីប្រធានសហីព ដោយលោកបានអះអាងថា ទៅធ្វើការងារផ្សេងទៀតដែលជាកិច្ចការជួយសង្គម និងការពារធនធានធម្មជាតិដែលនៅសេសសល់ ។
លោក ជា មុន្នី បានបន្ថែមថា ការលាឈប់ពីប្រធានសហជីពនេះ ដោយសារលោកចង់ធ្វើការងារផ្សេងទៀត ដែលជាផលប្រយោជន៍សង្គម រួមមាន ការតស៊ូមតិ និងការពារធនធានធម្មជាតិជាដើម។ យ៉ាងណាក៏ដោយលោក ស្នើឲ្យសហជីព និងសមាជិករបស់ខ្លួនរួមគ្នាបន្តសកម្មភាពការពារសិទ្ធិកម្មករ កុំឲ្យមានការរំលោភបំពានពីសំណាក់ថៅកែរោងចក្រមួយចំនួន។ លោកមិនទាន់កំណត់ថ្ងៃធ្វើសមាជខាងមុខនោះទេ ដោយកំពុងរៃអង្គាសថវិកា ដើម្បីទ្រទ្រង់ការធ្វើសមាជនោះ។