ថ្លែងក្នុងពិធីជួបសំណេះសំណាល ជាមួយ តំណាងកម្មករ កម្មការីមកពីច្រើនរោងចក្រ នៅព្រឹកអាទិត្យ ទី១៩ ខែកក្កដា ឆ្នាំ២០១៥ លោក សម រង្ស៊ី ប្រធានគណបក្សសង្គ្រោះជាតិ ថា “ប្រាក់ឈ្នួលរបស់កម្មករបច្ចុប្បន្ននេះ១២៨ដុល្លារ មិនទាន់គ្រប់គ្រាន់នោះទេ ចឹងពូគាំទ្រឲ្យក្មួយកម្មករ-កម្មការិនី ទាមទារប្រាក់ខែគោលអប្បបរមា យ៉ាងតិចបំផុតសម្រាប់ឆ្នាំ២០១៦ចំនួន១៨០ដុល្លារ”។សម្រាប់ថ្លៃឈ្នួលផ្ទះ ថ្លៃទឹកថ្លៃភ្លើង និងការចាយវាយប្រចាំថ្ងៃផង។ ដូច្នេះលោក សម រង្ស៊ី នឹងបន្តតាមជួយគាំទ្ររាល់ចលនាទាមទារទាំងអស់ឲ្យបាន សម្រចផងដែរ។
គួរបញ្ជាក់ថា បញ្ហាប្រាក់ខែនៅតែជាបញ្ហាប្រឈម សម្រាប់កម្មករកម្មការិនី និងភាគីថៅកែរោងចក្រ។ ការទាមទារម្តងហើយម្តងទៀត នៅតែកើតមានក្រោមហេតុផល ប្រាក់ខែបច្ចុប្បន្នមិនទាន់សមរម្យ ទៅនឹងជីវភាពរស់នៅប្រចាំថ្ងៃ ខណៈពេលដែលភាគីថៅកែរោងចក្រ ក៏ដូចជាក្រសួងការងារនិងរដ្ឋាភិបាល អះអាងថា ប្រាក់ខែនឹងតម្លើងជូនកម្មករកម្មការិនីបន្ថែមទៀត ក៏ប៉ុន្តែការតម្លើងនេះត្រូវធ្វើជាដំណាក់កាល។
សូមបញ្ជាក់បន្ថែមថា រាជរដ្ឋាភិបាល បានសម្រេចដំឡើងប្រាក់ឈ្នួលអប្បបរមា ដល់កម្មករ ជារៀងរាល់ឆ្នាំ ចាប់តាំងពីឆ្នាំ២០១៣មក ដើម្បីឱ្យកម្មករទទួលបាន ប្រាក់ខែសមរម្យ ។ ប្រាក់ខែកម្មករ ឆ្នាំ២០១៤ មានចំនួន១០០ដុល្លារ ចំណែកឆ្នាំ២០១៥មាន ១២៨ ដុល្លារ ៕