បើតាមការឱ្យដឹងពីអគ្គស្នងការនគរបាលជាតិ នៅព្រឹកថ្ងៃទី២១ ខែកក្កដានេះ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍លោក អ៊ុក ហៃសីលា បានឲ្យដឹងថា ជនជាតិវៀតណាមចំនួន៣៣នាក់ ត្រូវបានបណ្តេញចេញក្រោយពីរកឃើញថាពួកគេរស់ដោយមិនមានលិខិតឆ្លងដែននៅកម្ពុជា តាមច្រកទ្វារអន្តររជាតិក្អមសំណរ។
លោកបន្ថែមដូច្នេះថារហូតមកដល់ពេលនេះ ជនជាតិវៀតណាមប្រមាណ២០០០នាក់ត្រូវបានបណ្តេញចេញពីកម្ពុជា ក្រោយពីរកឃើញថាពួកគេរស់នៅខុសច្បាប់នៅកម្ពុជា។
លោក អ៊ុក ហៃសីលា បានបន្តថា៖“សង្ឃឹមថាការងារវាយើងក្តាប់បានណែន គ្រប់គ្រងបានគ្រប់ជ្រុងជ្រោយ ជនបរទេសទាំងអស់កុំឲ្យមានការលំបាកក្នុងលំបាកពេលមានស្ថាប័នឬទូតគេសួរនាំពីជនជាតិគេនៅស្រុកខ្មែរមានប៉ុន្មាន(យើងពិបាកដឹង) ដោយខ្វះព័ត៌មានចន្លោះប្រហោងអីអញ្ចឹងណាហើយខ្ញុំគិតថាពេលយើងមានអធិការរងអន្តោប្រវេសន៍នៅតាមស្រុករាជធានី យើងអត់មានចន្លោះប្រហោងទេ យើងគ្រប់គ្រងបានល្អ"។