គណបក្សសង្គ្រោះជាតិបានចេញក្តីថ្លែងការទាក់ទងនិងវប្បធម៌សន្ទនា នាថ្ងៃទី២២ ខែកក្កដា ឆ្នាំ២០១៥នេះ គឺជាខួប ១ ឆ្នាំ នៃកិច្ចព្រមព្រៀងនយោបាយរវាងគណបក្សសង្គ្រោះជាតិ និងគណបក្សប្រជាជនកម្ពុជា ដើម្បីដោះស្រាយបញ្ហាផ្សេងៗ និងជាពិសេស បញ្ចប់នូវភាពតានតឹងនយោបាយនៅប្រទេសកម្ពុជា។ ប៉ុន្តែគណបក្សសង្គ្រោះជាតិ មានការភ្ញាក់ផ្អើល និងសោកស្ដាយជាខ្លាំង ដែលតុលាការរាជធានីភ្នំពេញ បានសម្រេចដាក់ពន្ធនាគារសកម្មជនគណបក្សសង្គ្រោះជាតិ ចំនួន ១១ រូប កាលពីថ្ងៃទី២១ ខែកក្កដា ឆ្នាំ២០១៥ គឺជាការធ្វើឲ្យមានភាពតានតឹងខាងនយោបាយឡើងវិញ ដែលផ្ទុយនឹងកិច្ចព្រមព្រៀងនយោបាយកាលពីថ្ងៃទី២២ ខែកក្កដា ឆ្នាំ២០១៤ កន្លងទៅ។