រដ្ឋមន្ត្រីក្រសួងការពារជាតិ លោក ទៀ បាញ់ នឹងមិនអនុញ្ញាតឲ្យបដិវត្តន៍ពណ៌កើតមាននៅកម្ពុជាឡើយ
នាព្រឹកថ្ងៃទី២៨ ខែកក្កដា ឆ្នាំ២០១៥ម្សិលមិញនេះ រដ្ឋមន្ត្រីក្រសួងការពារជាតិ លោក ទៀ បាញ់ បានចូលរួមក្នុងពិធីបិទវគ្គបណ្តុះបណ្តាល នាយទាហានសេនាធិការបច្ចេកទេសជំនាន់ទី៥ ជំនាន់ទី៦ បើកបរនិងជួសជុលរថយន្តជំនាន់ទី១០ ជំនាន់ទី១១ នៅវិទ្យា ស្ថានបច្ចេកទេសយោធាតេជោ ហ៊ុន សែន ស្ថិតក្នុងភូមិ កាឡេអន្ទិល ឃុំ-ស្រុកសំរោងទង ខេត្តកំពង់ស្ពឺ ។ រដ្ឋមន្ត្រីក្រសួងការពារជាតិរូបនេះ បានធ្វើការប្រកាសថា នឹងមិនអនុញ្ញាតឲ្យបដិវត្តន៍ពណ៌កើតមាននៅកម្ពុជា ដូចបណ្តាប្រទេសនៅមជ្ឈឹមបូព៌ានោះឡើយ។ លោក ទៀ បាញ់បានថ្លែងបន្តថា សកម្មភាពតវ៉ារបស់គណបក្សសង្រ្គោះជាតិនាពេលកន្លងមក គឺមានចរិតជាបដិវត្តន៍ពណ៌ក្នុងការផ្តួលរំលំរាជរដ្ឋាភិ បាលស្របច្បាប់របស់កម្ពុជា ។
