លោកនាយករដ្ឋមន្រ្តី នឹងបើកសម្ពោធដាក់ឲ្យប្រើប្រាស់ជាផ្លូវការស្ពានមិត្តភាពកម្ពុជា-ចិន នាសប្ហាហ៏ក្រោយ
នៅថ្ងៃទី៣ ខែសីហា នាសប្ហាហ៏ក្រោយនេះ លោកនាយករដ្ឋមន្ត្រី ហ៊ុន សែន នឹងអញ្ជើញជាអធិបតីភាព បើកសម្ពោធដាក់ឲ្យប្រើប្រាស់ជាផ្លូវការស្ពានមិត្តភាពកម្ពុជា-ចិន តាខ្មៅ ដែលឆ្លងកាត់ទន្លេបាសាក់ និងផ្លូវតភ្ជាប់ពីផ្លូវជាតិលេខ២ទៅផ្លូវជាតិលេខ១ ប្រវែង១១.៩៥គីឡូម៉ែត្រ។
បើយោងតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូនបានឲ្យដឹងថា ក្រសួងសាធារណការ និងដឹកជញ្ជូន នឹងផ្អាកការធ្វើចរាចរណ៍ឆ្លងកាត់ផ្លូវមួយចំនួននៅម្តុំស្ពាននេះ ចាប់ពីម៉ោង៦ព្រឹកថ្ងៃទី ២ខែសីហា រហូតដល់ម៉ោង១១ និង៣០នាទីថ្ងៃទី៣ខែសីហា។
