លោក ហ៊ុន សែន ស្វាគមន៍ចំពោះគណបក្សនយោបាយដែលទើបបង្កើតថ្មី ដើម្បីចូលរួមប្រកួតប្រជែង ក្នុងការបោះឆ្នោតជាតិ នាឆ្នាំ២០១៧-២០១៨
ថ្លែងនៅក្នុងពិធីសម្ពោធស្ពានមិត្តភាពចិន-កម្ពុជាតាខ្មៅ កាលពីព្រឹក ថ្ងៃទី៣ ខែសីហា ឆ្នាំ២០១៥ម្សិលមិញនេះ លោកនាយករដ្ឋមន្ត្រី ហ៊ុនសែន ស្វាគមន៍ចំពោះគណបក្សនយោបាយដែលទើបបង្កើតថ្មីៗ ដើម្បីចូលរួម ក្នុងការបោះឆ្នោតជាតិ នាឆ្នាំ២០១៧-២០១៨ ខាងមុខ ។
លោក ហ៊ុន សែន ក៏បានរិះគន់បន្ថែមថា ឲ្យតែមានគណបក្សថ្មីបង្កើតឡើងនាំគ្នានិយាយថាសុទ្ធតែ ហ៊ុន សែន ជាអ្នកបញ្ជាឲ្យបង្កើត ឡើង ដើម្បីជ្រែកសំឡេង ឆ្នោតពីគណបក្សសង្គ្រោះជាតិ។ លោក ហ៊ុន សែន បានបញ្ចាក់ថាអ្នកដែលនិយាយថា ហ៊ុន សែន នៅពីក្រោយ ខ្នងនៃការបង្កើតគណបក្សថ្មីនេះ គឺអ្នកនោះទេដែលហ៊ុន សែន បង្កើតឲ្យ គឺនៅអំឡុងឆ្នាំ២០០៧ ហ៊ុន សែនជាអ្នកបង្កើតឲ្យ គណបក្សនោះ គឺគណបក្សសិទ្ធិមនុស្សរបស់លោក កឹម សុខា នោះឯង ៕
