ថ្ងៃស្អែកនេះ ក្រុមប្រឹក្សាធម្មនុញ្ញ នឹងបើកកិច្ចប្រជុំពិនិត្យមើលទៅលើបណ្ដឹងរបស់គណបក្សសង្គ្រោះជាតិ
នៅថ្ងៃទី៧ ខែសីហា ឆ្នាំ២០១៥ ស្អែកនេះ ក្រុមប្រឹក្សាធម្មនុញ្ញនឹងបើកកិច្ច ប្រជុំពិនិត្យមើលទៅលើបណ្ដឹងរបស់គណបក្សសង្គ្រោះជាតិ ទាក់ទិន និងបញ្ហាធម្មនុញ្ញភាពនៃច្បាប់ស្ដីពីសមាគម និងអង្គការក្រៅរដ្ឋាភិបាលដែលត្រូវ រដ្ឋសភា ហើយនឹងព្រឹទ្ធសភា ទើបអនុម័តនៅពេលថ្មីៗនេះ។
នេះបើយោងតាម អ្នកនាំពាក្យក្រុមប្រឹក្សាធម្មនុញ្ញ លោកព្រហ្ម ញាញវិចិត្រ បានឲ្យដឹងថា បន្ទាប់ពីបានពិនិត្យរួចហើយ ក្រុមប្រឹក្សាធម្មនុញ្ញអាចនឹងកោះអញ្ជើញមន្ត្រីគណបក្សសង្គ្រោះជាតិ និងរដ្ឋាភិបាលមកបំភ្លឺ ច្បាប់ស្ដីពីសមាគម និងអង្គការក្រៅរដ្ឋាភិបាល នៅថ្ងៃទី១០-១១ ខែសីហានេះ។
