នៅព្រឹកថ្ងៃអង្គារ ទី១១ សីហានេះ អង្គភាពប្រឆាំងអំពើពុករលួយបានចេញលិខិតមួយច្បាប់​ទៅតំណាងរាស្រ្តគណបក្សសង្រ្គោះជាតិ លោក រៀល ខេមរិន្ទ្រ ឲ្យបកស្រាយករណី​ការចោទប្រកាន់ថាលោកបានកេងប្រវ័ញ្ចប្រាក់មួយចំនួន ពេលរៀបចំដំណើរទៅពិនិត្យបង្គោលព្រំដែនកម្ពុជាវៀតណាមនៅខេត្ត ស្វាយរៀងកាលពីកន្លងទៅ​។លិខិតដែលចុះហត្ថលេខាដោយ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ កាលពីថ្ងៃ​ទី៣១ខែកក្កដា កន្លងឲ្យដឹងថាអង្គភាពបានទទួលពាក្យប្តឹងចំនួន៣ ដែលពាក្យបណ្តឹងទី១លើ​ទឹកប្រាក់១៥០០០ដុល្លារអាមេរិក ទីពីរទឹក​ប្រាក់២០០០០ដុល្លារ និង​ទី៣ប្រាក់២០០០០ដុល្លារ។