គជប ការចាប់ផ្តើមចុះឈ្មោះអ្នកបោះឆ្នោត តាមប្រព័ន្ធកុំព្យួទ័រ នាដើមឆ្នាំ២០១៦ នឹងអាចពន្យាពេលដល់ពាក់កណ្តាលឆ្នាំ បើខ្វះខាតឧបករណ៍សម្ភារៈ
លោក ហង្ស ពុទ្ធា អ្នកនាំពាក្យ គ.ជ.ប បានបញ្ចាក់ថា គជប គ្រោងនឹងចាប់ផ្តើមចុះឈ្មោះអ្នកបោះឆ្នោត តាមប្រព័ន្ធកុំព្យួទ័រ នាខែកុម្ភៈ ឆ្នាំ២០១៦។ ការងារនោះ គជប ត្រូវការកុំព្យួទ័រប្រមាណ ២៤០០ គ្រឿង ក៏ប៉ុន្តែបើសិនជាឧបករណ៍សម្ភារៈកុំព្យួទ័រ សម្រាប់បម្រើការងារចុះឈ្មោះអ្នកបោះឆ្នោត មិនមានគ្រប់គ្រាន់ នោះការងារចុះឈ្មោះអ្នកបោះឆ្នោត នឹងអាចពន្យារពេលរហូតដល់ពីរឬបីខែ ពោលគឺដល់ខែមិថុនា ឆ្នាំ២០១៦។កាលលើកឡើងនេះបន្ទាប់ពីប្រធាន គ.ជ.ប លោក ស៊ិក ប៊ុនហុក ជួបអគ្គលេខាធិការរងទទួលបន្ទុកការងារនយោបាយរបស់ក្រសួងការបរទេសជប៉ុន កាលពីរសៀលថ្ងៃទី១១ ខែសីហា ឆ្នាំ២០១៥ ម្សិលមិញនៅទីស្តីការ គ.ជ.ប។
