កាលពីថ្ងៃអាទិត្យ ទី១៦ សីហាម្សិលមិញ លោក សម រង្ស៊ី ប្រធានគណបក្សសង្រ្គោះជាតិ បានបដិសេធថាលោកមិនបានបបួលលោកនាយករដ្ឋមន្រ្តី ហ៊ុន សែន ដើម្បីធ្វើវិសោធនកម្មមាត្រា២ នៃរដ្ឋធម្មនុញ្ញស្តីពីការប្រើប្រាស់ផែនទី ជាពិសេសការផ្លាស់ប្តូរខ្នាតផែនទី១/១០០.០០០នោះទេ។ដោយលោក ហ៊ុន សែន បានថ្លែងថា លោក សម រង្ស៊ី បានបបួលរូបលោកធ្វើវិសោធនកម្មមាត្រា២នៃរដ្ឋធម្មនុញ្ញស្តីពីការប្រើប្រាស់ផែនទីបោះបង្គោលព្រំដែនជាមួយប្រទេសជិតខាងកាលពីថ្ងៃព្រហស្បតិ៍ ទី១៣ខែសីហា កន្លងទៅ។
