លោក វ៉ា គឹមហុង ថា ផែនទីរបស់រដ្ឋាភិបាលដូចគ្នា និងផែនទី១៨ផ្ទាំងរបស់អង្គការសហប្រជាជាតិ
នៅព្រឹកថ្ងៃព្រហស្បតិ៍នេះ អង្គការសហប្រជាជាតិបានប្រគល់ផែនទីចំនួន១៨ផ្ទាំងដែលខ្លួនបានរកឃើញ មកឲ្យរដ្ឋាភិបាលកម្ពុជាខ្ចីនិងធ្វើការផ្ទៀងផ្ទាត់ នៅទីស្ដីការគណៈរដ្ឋមន្ត្រី ដោយមានការចូលរួមពីមន្ត្រីតំណាងគណបក្សនយោបាយ និងតំណាងរដ្ឋសភា ព្រមទាំងស្ថាប័នធំៗមួយចំនួនទៀត។លោក វ៉ា គឹមហុង ប្រធានគណៈកម្មាធិការទទួលបន្ទុកកិច្ចការព្រំដែន អះអាងថា ផែនទីដែលអង្គការសហប្រជាជាតិបានប្រគល់មកឲ្យកម្ពុជាខ្ចីគឺដូចគ្នាទៅនឹងផែនទីដែលរដ្ឋាភិបាលប្រើប្រាស់សម្រាប់ការងារបោះបង្គោលព្រំដែនជាមួយប្រទេសជិតខាង។
