សមត្ថកិច្ចថាកំពុងស៊ើបអង្កេតករណីគំរាមសម្លាប់មន្ត្រីរដ្ឋាភិបាលរឿងព្រំដែន
សមត្ថកិច្ចពាក់ព័ន្ធបានឲ្យដឹងថា ខ្លួនកំពុងសហការគ្នាបើកការស៊ើបអង្កេត ករណីគំរាមសម្លាប់លើមន្ត្រីរដ្ឋាភិបាលដែលធ្វើកិច្ចការព្រំដែន គឺ លោក សុខ ទូច និង លោកស្រី កុយ ពិសី ដែលអ្នកទាំងពីរអះអាងថា ពួកគេត្រូវបានគេគំរាមតាមហ្វេសប៊ុក។លោក ខៀវ សុភ័គ អ្នកនាំពាក្យក្រសួងមហាផ្ទៃ មានប្រសាសន៍នៅថ្ងៃចន្ទ ទី៣១ សីហានេះថា លោកសោកស្តាយចំពោះជនមិនស្គាល់មុខ ដែលសរសេរលើហ្វេសប៊ុក និងផ្ញើសារតាមទូរស័ព្ទគំរាមសម្លាប់លោក សុខ ទូច។ ប៉ុន្តែលោកថា ក្រុមការងារជំនាញនឹងសហការជាមួយស្ថាប័នពាក់ព័ន្ធ ស៊ើបអង្កេតករណីនេះ ដើម្បីចាប់ជននោះមកផ្តន្ទាទោសតាមច្បាប់។
