គ.ជ.ប ស្នើឲ្យមានការចូលរួមពីពលរដ្ឋនៅភូមិដែលត្រូវធ្វើការចុះឈ្មោះសាកល្បង
គណៈកម្មធិការជាតិរៀបចំការបោះឆ្នោត (គ.ជ.ប) ប្រកាសផ្សព្វផ្សាយតារាងឈ្មោះឃុំ/សង្កាត និងចំនួនភូមិសម្រាប់ធ្វើការចុះឈ្មោះសាកល្បង ដែលនឹងប្រព្រឹត្តទៅនៅក្នុងខែវិច្ឆិកាខាងមុខ និងប្រជាពលរដ្ឋនៅក្នុងភូមិទាំងនោះចូលរួមក្នុងការចុះឈ្មោះសាកល្បងនេះ។អ្នកនាំពាក្យ គ.ជ.ប លោក ហង្ស ពុទ្ធា បានឲ្យដឹងថា មូលហេតុដែល គ.ជ.ប ប្រកាស ផ្សព្វផ្សាយ តារាងឈ្មោះឃុំ/សង្កាត់ទាំង ២៥នេះ គឺចង់ឲ្យប្រជាពលរដ្ឋនៅក្នុងភូមិទាំងនោះចូលរួមការចុះឈ្មោះសាកល្បងនេះគឺដើម្បីសាកល្បងការងារបច្ចេកទេសថ្មីក្នុងការចុះឈ្មោះបោះឆ្នោត។
