ដ្ឋាភិបាលអូស្ត្រាកិច្ចព្រមព្រៀងបញ្ជូនជនភៀសខ្លួនមកកម្ពុជានៅតែបន្ត
ដ្ឋាភិបាលអូស្ត្រាលីបញ្ជាក់ថា កិច្ចព្រមព្រៀងបញ្ជូនជនភៀសខ្លួនពីអូស្ត្រាលីមកកម្ពុជានៅតែប្រព្រឹត្តទៅជាធម្មតា មិនមែនត្រូវបានបញ្ចប់ដូចការចុះផ្សាយរបស់ការសែតក្នុងស្រុកនោះទេ។កាលពីថ្ងៃអាទិត្យកាសែត The Cambodian Daily បានដកស្រង់សម្តីអ្នកនាំពាក្យក្រសួងមហាផ្ទៃលោក ខៀវ សុភ័គ យកមកចុះផ្សាយថា៖ “យើង(រដ្ឋាភិបាលកម្ពុជា)មិនមានគម្រោងនាំយកជនភៀសខ្លួនពីកោះណៅរូ (Nauru)មកកម្ពុជាបន្ថែមទៀតទេ។ ខ្ញុំគិតថា យើងទទួលកាន់តែតិចកាន់តែប្រសើរ”។អ្នកនាំពាក្យម្នាក់របស់នាយកដ្ឋានអន្តោប្រវេសន៍ និងការពារព្រំដែនរបស់អូស្ត្រាលីបានឲ្យវីអូឌី (VOD)ដឹងតាមអ៊ីមែលថា រដ្ឋាភិបាលអូស្ត្រាលីនៅតែបន្តធ្វើការជាមួយកម្ពុជា និងដៃគូផ្សេងទៀត រួមទាំងប្រទេសដើមកំណើតរបស់ជនភៀសខ្លួនទាំងនោះផងដែរ ដើម្បីសម្របសម្រួលឲ្យមានការបញ្ជូនពួកគេត្រឡប់ទៅវិញ ឬតាំងទីលំនៅថ្មីឲ្យជនភៀសខ្លួននៅលើកោះណៅរូ(Nauru)និងកោះម៉ានូស (Manus)។
