លទ្ធផលបឋមនៃការផ្ទៀងផ្ទាត់ផែនទី
នៅថ្ងៃព្រហស្បតិ៍នេះលទ្ធផលដំបូងបង្ហាញថា ផែនទីទាំង២៦ផ្ទាំងមកពីបារាំងនោះគឺមាន២៥ផ្ទាំង ដែលប្រធានគណៈកម្មាធិការទទួលបន្ទុកកិច្ចការព្រំដែនលោក វ៉ា គឹមហុង អះអាងថា ដូចគ្នាទៅនឹងផែនទី Bone ខ្នាត ១លើ ១០០ ០០០របស់កម្ពុជា។ ប៉ុន្តែ១ផ្ទាំងទៀតរបស់បារាំងជាប្រភេទផែនទីUTM។លោក វ៉ា គឹមហុង បញ្ជាក់ថា ផែនទីដែលរដ្ឋាភិបាលកម្ពុជាកំពុងប្រើគឺមានហត្ថលេខាទទួលស្គាល់ដោយភាគីទាំងពីរគឺវៀតណាម និងកម្ពុជា។ តែផែនទីបារាំងគ្មានហត្ថលេខាទទួលស្គាល់ដោយភាគីទាំងពីរនោះទេ។ចំណែកផែនទីសម្រាប់ខេត្តរតនគិរីវិញ លោក វ៉ា គឹមហុង អះអាងថា ខ្សែបន្ទាត់ព្រំដែនខុសគ្នា នៅចំណុចដាក់ដាំ និងដាក់ហូត ដែលលោកថា ផែនទីបារាំងធ្វើឲ្យកម្ពុជាខាតដីប្រមាណ៥០គីឡូម៉ែត្រការ៉េ។
vodhotnews.com
