នៅព្រឹកថ្ងៃទី៩ ខែកញ្ញា ឆ្នាំ២០១៥នេះ នៅសាលាខេត្តកំពតចាស់ មានពិធីប្រកាស តែងតាំងជាផ្លូវការលោកហ៊ សារិន អតីតអនុប្រធានមន្ទីរអភិវឌ្ឍន៍ជនបទខេត្តកំពត ត្រូវបានតែងតាំងជាប្រធានមន្ទីរ ជំនួសកន្លែងរបស់លោកសេង ឆូង ប្រធានមន្ទីរអភិវឌ្ឍន៍ជនបទ ដែលត្រូវអាយុចូលនិវត្តន៍ ហើយតាមអនុក្រិត្យ ត្រូវបានតែងតាំង ជាទីប្រឹក្សាក្រសួងអភិវឌ្ឍន៍ជនបទ ឋានៈស្មើនឹងប្រធាននាយកដ្ឋាន។ ក្រោមអធិបតីភាពលោក ថេង ច័ន្ទសង្វារ អនុរដ្ឋលេខាធិការក្រសួង អភិវឌ្ឍន៍ជនបទ តំណាងដ៏ខ្ពង់ខ្ពស់លោកជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ។