កាលពី​ថ្ងៃ​ទី​១០ ខែ​កញ្ញា សាលា​ដំបូង​រាជធានី​ភ្នំពេញ សម្រេច​ផ្អាក​ការ​សាកសួរ​បន្ថែម​ទៅ​លើ​យុវជន គង់ រ៉ៃយ៉ា ពី​រឿង​បដិវត្តន៍​ពណ៌​ប្រឆាំង​រដ្ឋាភិបាល​តាម​ការ​ស្នើសុំ ដោយសារ​អវត្តមាន​មេធាវី។ លោក អំ សំអាត មន្ត្រី​ការពារ​សិទ្ធិ​មនុស្ស​អង្គការ​លីកាដូ (LICADHO) មាន​ប្រសាសន៍​ថា ការ​ផ្អាក​នេះ តុលាការ​មិន​ទាន់​សម្រេច​ថា​នឹង​សាកសួរ​នៅ​ថ្ងៃ​ណា​នៅ​ឡើយ​ទេ ដោយ​តុលាការ​អះអាង​ថា នឹង​ជូន​ដំណឹង​នៅ​ពេល​ក្រោយ។