យោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត(គ.ជ.ប) ការពិនិត្យបញ្ជីឈ្មោះ និងចុះឈ្មោះបោះឆ្នោត ប្រចាំឆ្នាំ២០១៤ ដែលបានប្រព្រឹត្តទៅរយៈពេកបីខែបានសម្រេចចេញជាលទ្ធផលដូចខាងក្រោម៖

• ចុះឈ្មោះអ្នកបោះឆ្នោតថ្មីបានចំនួន ១៧៧,៨០៤ នាក់។
• លុបឈ្មោះអ្នកបោះឆ្នោតចេញពីបញ្ជីបោះឆ្នោតបានចំនួន ១០៨,៨០០នាក់។
• កែតម្រូវឈ្មោះ និងទិន្នន័យលើបញ្ជីបោះឆ្នោតបានចំនួន ៣២,២២៩នាក់។

          សរុបឈ្មោះអ្នកបោះឆ្នោតក្នុងបញ្ជីបោះឆ្នោតមានចំនួន ៩,៨០១,៥៣៥នាក់ (ក្នុងនោះមានស្រ្តី ចំនួន ៥,១៤៨,៨០៩ នាក់)។ រីឯការិយាល័យបោះឆ្នោតមានចំនួន ២០,៥០៧ ការិយាល័យ។នៅថ្ងៃទី៣១ ខែធ្នូ ឆ្នាំ២០១៤ គណៈកម្មាធិការជាតិរៀបចំការបោះឆ្នោត (គ.ជ.ប) បានផ្តល់សុពលភាព លើបញ្ជីបោះឆ្នោតផ្លូវការ។ បញ្ជីបោះឆ្នោតផ្លូវការនេះត្រូវបានប្រកាសផ្សាយផងដែរ តាមរយៈគេហទំព័រ គ.ជ.ប ដែលមានអាស័យដ្ឋាន www.voterlist.org.kh