ក្រសួងមហាផ្ទៃ យល់ព្រមទទួលយកសំណើសុំចុះបញ្ជីគណបក្សប្រជាធិបតេយ្យមូលដ្ឋាន
យោងតាមអ្នកនាំពាក្យក្រសួងមហាផ្ទៃលោក ខៀវ សុភ័ក្រ បានឪ្យដឹងនៅថ្ងៃទី៤ សីហា ក្រសួងមហាផ្ទៃបានទទួលយកសំណើសុំចុះបញ្ជីគណបក្សប្រជាធិបតេយ្យមូលដ្ឋាន (គ.ប.ម) ទៅពិនិត្យហើយ ក្រោយពីក្រុមការងាររបស់ក្រសួងតម្រូវឲ្យគណបក្សប្រជាធិបតេយ្យមូលដ្ឋាន បំពេញ បែបបទឡើងវិញជាថ្មី ក្រោយពិនិត្យឃើញថាខុសនីតីវិធី ។
បន្ទាប់ពីក្រសួងមហាផ្ទៃបានបដិសេធសំណើសុំចុះបញ្ជីគណបក្សប្រជាធិបតេយ្យមូលដ្ឋាន កាលពីថ្ងៃទី៣ ម្សិលមិញ ដោយសារក្រសួងពិនិត្យឃើញថា បែបបទសុំចុះបញ្ជីគណបក្សនៅមានចំណុចខ្វះខាតមួយ ចំនួន នៃនីតិវិធីនៃការចុះបញ្ជីគណបក្សនយោបាយ ដែលមានបញ្ញត្តិនៅក្នុងច្បាប់ជាធរមាន។
