គណបក្សប្រជាធិបតេយ្យមូលដ្ឋាន សន្យាបំពេញផ្នត់គំនិតលោក កែម ឡី
គណបក្សប្រជាធិបតេយ្យមូលដ្ឋាន សន្យាប្រឹងប្រែងបំពេញការងារតាមមូលដ្ឋាន ក្នុងគោលបំណងដោះស្រាយបញ្ហាសង្គម ដើម្បីបំពេញផ្នត់គំនិតលោក កែម ឡី ដែលចង់ឲ្យប្រទេសកម្ពុជាមានប្រជាធិបតេយ្យពិតប្រាកដ។លោក កែម ឡី ត្រូវបានខ្មាន់កាំភ្លើងបាញ់សម្លាប់កាលពីថ្ងៃទី១០ កក្កដាកន្លងមកនេះ។នៅពេលដែលរំឮកពីឈ្មោះលោក កែម ឡី នោះ លោក សាម អ៊ីន ដែលជាក្រុមបញ្ញាវន្តរួមការងារជាមួយលោក កែម ឡី ហាក់មិនស្ងប់ចិត្តឡើយ ពោលគឺលោក សាម អ៊ីន តែងតែចងចាំនូវផ្នត់គំនិតលោក កែម ឡី ដែលមានមហិច្ឆតាចង់ផ្លាស់ប្ដូរសង្គមជានិច្ច។ អគ្គលេខាធិការគណបក្សប្រជាធិបតេយ្យមូលដ្ឋានរូបនេះ យល់ថា ការបាត់បង់លោក កែម ឡី គឺបាត់បង់មនុស្សសំខាន់មូយរូប ដែលតែងតែផ្ដល់គំនិតល្អៗ ដល់ក្រុមបញ្ញាវន្ត និងដល់គណបក្សលោក។
ថ្លែងប្រាប់សារព័ត៌មានថ្មីៗ លោក សាម អ៊ីន អះអាងថា ទោះបីជាលោក កែម ឡី បាត់បង់ជីវិតក៏គណបក្សលោកនឹងខិតខំប្រឹងប្រែងបន្តជំហានបោះទៅមុខ ដំណើរការចូលរួមផ្លាស់ប្ដូរសង្គម ដើម្បីបំពេញតាមឧត្តមគតិរបស់លោក កែម ឡី ។ប្រភពថ្មីៗ
https://www.thmeythmey.com/?page=detail&ctype=article&id=42328&lg=kh&
