ក្រសួងបរិស្ថានផ្អាកដំណើរការក្រុមហ៊ុនវារីអគ្គិសនីរបស់លោក លី យ៉ុងផាត់ ជាបណ្តោះអាសន្ន
រដ្ឋមន្រ្តីក្រសួងបរិស្ថានបានសម្រេចផ្អាកដំណើរការសកម្មភាពជាបណ្តោះអាសន្នរបស់ក្រុមហ៊ុនវារីអគ្គិសនី ស្ទឹងមេទឹក ហាយដ្រូផៅវ័រ (Stung Meteuk Hydropower)ស្ថិតក្នុងភូមិសាស្ត្រខេត្តពោធិ៍សាត់ ដែលជាក្រុមហ៊ុនរបស់លោក លី យ៉ុងផាត់ សមាជិកព្រឹទ្ធសភារបស់គណបក្សប្រជាជនកម្ពុជា ដោយលើកហេតុផលថា ក្រុមហ៊ុននេះបានធ្វើសកម្មភាពល្មើសនឹងបទប្បញ្ញត្តិនៃក្រមបរិស្ថាន និងប្រមូលផល-អនុផលព្រៃឈើខុសពីកិច្ចសន្យា។ នេះបើតាមលិខិតរបស់រដ្ឋមន្រ្តីក្រសួងបរិស្ថាន ចុះថ្ងៃទី ២ ខែកញ្ញា ដាក់ទៅលោក លី យ៉ុងផាត់ ដែលក្រសួងបរិស្ថានបញ្ជាក់ថា ជាប្រធានក្រុមប្រឹក្សាភិបាលនៃក្រុមហ៊ុនស្ទឹងមេទឹកហាយដ្រូផៅវ័រ។
ប្រភព VOA ៖ https://comfrel.info/4e3XzGm
Join Telegram : https://t.me/COMFREL
