ក្រុមអង្គការសង្គមស៊ីវិល និងព្រះសង្ឃរៀបចំពិធីបួងសួងដើម្បីឲ្យដោះលែងអ្នកជាប់ឃុំឃាំងទាំង ២៣ នាក់
នៅព្រឹកថ្ងៃសុក្រ ទី០៧ កុម្ភៈនេះ នៅមុខព្រះអង្គដងកើ រាជធានីភ្នំពេញ ក្រុមគ្រួសារសាច់ញាតិ អង្គការសង្គមស៊ីវិល និងសហជិព បានរៀបចំពីធីតាមបែបព្រះពុទ្ធសាសនា គឺដោយមានការនិមន្តព្រះសង្ឃចំនួន ២៣ អង្គ តំណាងឲ្យជនរងគ្រោះទាំង ២៣ នាក់ ដែលកំពុងជាប់ឃុំឃាំងនៅពន្ធនាគារត្រពាំងថ្លុង ក្នុងខេត្តកំពង់ចាម។ នៅក្នុងពិធីនេះគេបានរៀបចំឡើងដោយបាននិមន្តព្រះសង្ឃសូត្រមន្តឧទិសកុសល បួងសួងសុំឲ្យមានការដោះលែង អ្នកទាំង ២៣ នាក់ និងការលេងភ្លេងពិនពាធជាដង្វាយផងដែរ។
ចំណែងឯអាជ្ញាធរ ដែលមានបូលីស ប៉េអឹម ជាពិសេសគឺក្រុមសន្តិសុខឯកជន ដែលតែងតែធ្វើការបំបែក និងបង្រាបមកលើការជួមប្រជុំនានារបស់អ្នកទាមទារតវ៉ា នាពេលកន្លងនោះគឺមិនបានចេញមុខមកបង្រាបការជួបជុំប្រារព្ធពិធីនាពេលនេះទេ តែគេក៏សង្កេតឃើញក្រុមអ្នកទាំងនោះច្រើនរយនាក់បានដាក់ពង្រាយ ឃ្លាំមើលការប្រារព្ធពិធីនេះយ៉ាងយកចិត្តទុក។
នេះគឺជាលើកទី ២ ដែលមានការរៀបចំពិធីសាសនាក្នុងគោលបំណងទាមទារឲ្យមានការដោះលែង ជនទាំង២៣នាក់នោះ។ គួររំលឹកផងដែរថា ពិធីបួងសួងលើកទី០១ ដែលបានរៀបចំឡើងនៅក្នុងខែមករា ត្រូបានបំបែក និងមានការចាប់ខ្លួនអនុប្រធានសមាគម IDEA ម្នាក់ផងដែរ។
(Photo by Soreasey Lim)