នៅព្រឹកថ្ងៃអង្គារ ទី១ ខែមេសា ឆ្នាំ២០១៤នេះ រដ្ឋសភានៃព្រះរាជណាចក្រកម្ពុជាបានបើកសម័យប្រជុំពេញអង្គ លើកទី ២ ដែលបានលើកយករបៀបវារៈចំនួន ៦មកពិភាក្សា។ ក្នុងនោះរបៀបវារៈចំនួន៣បានពិភាក្សារួច និងរបៀបវារៈចំនួន៣ទៀត លើកទីពិភាក្សានៅថ្ងៃស្អែក។ របៀបវារៈទាំង​ ៣ដែលបានពិភាក្សារួចរួមមាន ទី ១​ ព្រះរាជសារព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី​២ នីតីកាលទី៥។ ទី ២ របាយការណ៍ស្ដីពី សកម្មភាពរបស់រដ្ឋសភាចន្លោះសម័យប្រជុំរដ្ឋសភា លើកទី ១ និងលើកទី ២ នីតិកាលទី៥។ ទី ៣ ការបោះឆ្នោតជ្រើសតាំងឯកឧត្តម សារី កោសល្យ ជាសមាជិកគណៈកម្មការសាធារណការ ដឹកជញ្ជូន  ទូរគមនាគមន៍ ប្រៃសណីយ៍ ឧស្សាហកម្មរ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ ដោយសម្លេងគាំទ្រ ៦៦ លើ ៦៦។