ក្រសួងការបរទេស ស្នើឲ្យប្រធាន គ.ជ.ប ចាត់តាំងតំណាងមួយរូប ទៅចូលរួមប្រជុំ ស្តីពី ការបោះឆ្នោត ក្នុងតំបន់អាស៊ាន
លិខិតរបស់ក្រសួងការបរទេស ចុះថ្ងៃទី២៦ ខែមិថុនា ឆ្នាំ២០១៤ មានវាយអក្សរក្រហមថា “ប្រញាប់ណាស់” ចុះហត្ថលេខាដោយលោកស្រី សឿង រដ្ឋចាវី រដ្ឋលេខាធិការក្រសួងការបរទេស គោរពជូនលោកប្រធានគជប។ កម្មវត្ថុ នៃលិខិតនោះ បានស្នើដល់លោកប្រធាន គ.ជ.ប ចាត់តំណាងមួយរូប ចូលរួមសិក្ខាសាលាថ្នាក់តំបន់ ស្តីពី “ការបោះឆ្នោត ដែលជាមធ្យោបាយក្នុងការលើកកម្ពស់លទ្ធិប្រជាធិបតេយ្យ និងសន្តិសុខ ក្នុងអាស៊ាន៖ បទពិសោធន៍ និងការអនុវត្តល្អៗ”។
