សង្រ្គោះជាតិនឹងចូលគាល់ព្រះមហាក្សត្រនៅថ្ងៃនេះ ខណៈពេលដែលអ្នកគាំទ្រជាច្រើនសម្តែងនូវការមិនពេញ ចិត្តចំពោះការកិច្ចព្រមព្រៀងនេះ
លោក ហ៊ុន សែន នាយករដ្ឋមន្រ្តី និងលោក សម រង្ស៊ី មេដឹកនាំគណបក្សប្រឆាំងនឹងចូលក្រាបថ្វាយបង្គំព្រះមហាក្សត្រ នរោត្តម សីហមុនី នៅព្រះបរមរាជវាំង នៅថ្ងៃនេះដើម្បីទូលថ្វាយព្រះមហាក្សត្រជាផ្លូវការអំពីកិច្ចព្រម ព្រៀងនយោបាយ ដែលបានសម្រេចកាលពីថ្ងៃអង្គារ ដែលបានបញ្ចប់ភាពជាប់គាំងនយោបាយរយៈពេលជិត ១ ឆ្នាំមកនេះ។
មេដឹកនាំទាំងពីររូបនឹងចាប់ផ្តើមព្រឹតិ្តការណ៍ផ្សេងៗ ដូចជាតំណាងរាស្រ្តជាប់ឆ្នោតទាំង ៥៥ រូបនៃគណបក្សសង្គ្រោះជាតិនឹងស្បថចូលកាន់អាសនៈនៅរដ្ឋសភា ក្នុងរយៈពេលប៉ុន្មានថ្ងៃទៀត។
ប៉ុន្តែ អ្នកគាំទ្រគណបក្សសង្គ្រោះជាតិជាច្រើននាក់បានសម្តែងនូវការមិនពេញ ចិត្តចំពោះការព្រមព្រៀងទាំងនៅលើបណ្តាញសង្គម និង វិទ្យុ ដោយចោទប្រកាន់ថា គណបក្សប្រឆាំងនឹងគ្រប់គ្រងដោយគណបក្សកាន់អំណាចនៅក្នុងរដ្ឋសភា។ អ្នកខ្លះព្រួយបារម្ភថា ការជ្រើសរើសជាមួយនឹងគណបក្សប្រជាជន គណបក្សសង្គ្រោះជាតិមានហានិភ័យបាត់បង់ឱកាស។ អ្នកខ្លះថា គ្មានទំនុកចិត្តលើគណបក្សប្រជាជន កាលពីសម័យ ហ៊្វុនស៊ិនប៉ិច គណបក្សនេះត្រូវបានបង្ខំឲ្យចុះកិច្ចព្រមព្រៀងចែករំលែកអំណាច ជាមួយនឹងគណបក្សប្រជាជនក្រោយការបោះឆ្នោត ឆ្នាំ១៩៩៣ បន្ទាប់មក អំណាចរបស់ពួកគេបានធ្លាក់ចុះក្នុងរដ្ឋាភិបាលចម្រុះជាដើម។
ដកស្រង់ពីគេហទំព័រភ្នំពេញប៉ុស្តិ៍ចេញផ្សាយនាព្រឹកថ្ងៃ២៤ កក្កដា។
