សមាសភាពនៃសមាជិកគ.ជ.ប ទី៩ ត្រូវបានគណបក្សឈ្នះឆ្នោតទាំងពីរព្រមព្រៀងគ្នាហើយ តែមិនទាន់បង្ហាញ
ទាំងលោក ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង លោក សម រង្ស៊ី សមាជិក នៃរដ្ឋសភា ដែលទើបទទួលបានសុពលភាព បានថ្លែងអះអាងរួមគ្នាថា បេក្ខភាពទី៩ នៃគណៈកម្មាធិការជាតិរៀបចំការបោះឆ្នោត (គ.ជ.ប) ត្រូវបានសំឡឹងឃើញហើយ ហើយក៏មានការឯកភាពគ្នាផងដែរ តែមិន ទាន់បង្ហាញអត្តសញ្ញាណនៅឡើយនោះទេ។
ការថ្លែងបែបនេះនាព្រឹកថ្ងៃ ទី២៨ ខែកក្កដា ឆ្នាំ២០១៤នេះ បន្ទាប់ពីបញ្ចប់កិច្ចប្រជុំប្រគល់សុពលភាព សមាជិកសភាជូន លោក សម រង្ស៊ី ទៅកាន់ក្រុមអ្នកព័ត៌មាន ហើយលោកបន្ថែមថាបរិយាកាសនយោបាយនៅកម្ពុជាមានភាពល្អប្រសើរ បន្ទាប់ពីកិច្ចចរចាបញ្ចប់វិបត្តិកាលពីថ្ងៃទី២២ ខែកក្កដា កន្លងទៅនេះ។
លោកសម រង្ស៊ី បានលើកឡើងថា ចំពោះកាលបរិច្ឆេទចូលស្បថនៅក្នុងព្រះបរមរាជវាំង លោក សម រង្ស៊ី បានបញ្ជាក់ថា គណបក្សសង្រ្គោះជាតិ នឹង ជូនដំណឹងនៅថ្ងៃនេះ ឬអាចនឹងពេលឆាប់ៗនេះ។
ប្រភពពីគេហទំព័រដើមអំពិល។
