លោកនាយករដ្ឋមន្ត្រី ហ៊ុន សែន បានថ្លែងក្នុងពិធីសម្ពោធស្ពានអាកាសស្ទឹងមានជ័យ នៅព្រឹកថ្ងៃទី ៣១នេះថា រាជរដ្ឋាភិបាលអនុញ្ញាតឲ្យបង្កើតរដ្ឋាករដឹកជញ្ជូនសាធារណៈរបស់ក្រុង ដោយនឹងជួយទំនុកបម្រុងឧបត្ថម្ភតាមរយៈការមិនយកពន្ធលើការនាំចូល រថយន្តក្រុងដឹកជញ្ជូនទាំងនេះ។ លោកបញ្ជាក់ថាការចំណាយនេះ នឹង«មិនអាលាយកម្ពុជាទេ»។ លោកនាយករដ្ឋមន្ត្រីបន្ត រាជរដ្ឋាភិបាលកម្ពុជា មិនខ្វល់នឹងក្រុមហ៊ុនវិនិយោគឯកជនឡើយ បើទោះជាពួកគេបានសាកល្បងសេវារថយន្តក្រុងហើយរួច ត្រឡប់ទៅវិញ។ លោកថា រាជរដ្ឋាភិបាលនឹងធ្វើឲ្យសេវាដឹកជញ្ជូនសាធារណៈនេះ ទទួលបានជោគជ័យ ហើយរដ្ឋនឹងឧបត្ថម្ភមកសាលារាជធានី ដោយចេញខាតសេវាដឹកជញ្ជូន តាមរយៈយុទ្ធសាស្ត្រធុនឧបត្ថម្ភធុន។