ប្រធានរដ្ឋសភាកម្ពុជាលោក ហេង សំរិន មិនបានសន្យាជាមួយរដ្ឋាភិបាលក្រុងហាណូយ ថានឹងចាត់វិធានការ លើក្រុមអ្នកតវ៉ាដែលដុតទង់ជាតិវៀតណាមនៅកម្ពុជាឡើយ។ នេះជាការបញ្ជាក់របស់លោក ឈាង វុន ប្រធានគណៈកម្មការ កិច្ចការបរទេស និងព័ត៌មាននៃរដ្ឋសភា។

ថ្លែងប្រាប់ក្រុមអ្នកកាសែត បន្ទាប់ពីវិលត្រឡប់មកពីប្រទេសវៀតណាម ជាមួយលោក ហេង សំរិន នោះ លោក ឈាង វុន បានរិះគន់សារព័ត៌មានក្នុងស្រុកមួយចំនួន ដែលបានចុះផ្សាយ ថាលោក ហេង សំរិន ប្រធានរដ្ឋសភាកម្ពុជា បានសន្យាជាមួយរដ្ឋាភិបាលវៀតណាម ថានឹងចាត់វិធានការលើក្រុមបាតុករខ្មែរកម្ពុជាក្រោម។

ដកស្រង់ពីគេហទំព័រថ្មីៗ។