លទ្ធផលខ្លះៗនៃកិច្ចប្រជុំបោះឆ្នោត ថ្នាក់ដឺកនាំរដ្ឋសភា
ដូចការរំពឹងទុក អ្នកតំណាងរាស្ត្រ ១១៦ រូប បានបោះឆ្នោតជាសម្ងាត់ គូសលើសន្លឹកឆ្នោត ជ្រើសតាំងលោក កឹម សុខា អនុប្រធានគណបក្សសង្គ្រោះជាតិ ធ្វើជាអនុប្រធានទី១ រដ្ឋសភា។ ការបោះឆ្នោតនៅក្នុង កិច្ចប្រជុំរដ្ឋសភា ជាវិសាមញ្ញ នាព្រឹកថ្ងៃទី២៦សីហានេះ ក៏មាន ២ សំឡេង អនុប្បវាទ និងមិនព្រម ៤ សំឡេង។
ការសម្រេចបោះឆ្នោតជ្រើសតាំងលោកកឹមសុខា ជាអនុប្រធានទី១រដ្ឋសភា បានធ្វើឡើង បន្ទាប់ពីការបោះឆ្នោតជ្រើសតាំងលោក ងួន ញ៉ិល ជាអនុប្រធានទី២រដ្ឋសភា ដោយសំឡេងឯកច្ឆ័ន្ទ ១២២ សំឡេង។
បន្ទាប់ពីការបោះឆ្នោតជ្រើសតាំង លោកកឹមសុខា ជាអនុប្រធានទី១ រដ្ឋសភាហើយនោះ កិច្ចប្រជុំរដ្ឋសភា នឹងបោះឆ្នោតតែងតាំងប្រធានគណៈកម្មការជំនាញរដ្ឋសភាទាំង ១០។
